BUTUAN CITY – Padayon sa pag-monitor ang Environmental Management Bureau o EMB-Caraga sa kahimtang sa kalidad sa hangin sa nagkada-iyang lugar ning rehiyon.
Base sa pinakabag-ong readings gikan sa mga monitoring station sa Caraga State University kon CSU Main Campus, sa EMB-Doongan ug sa Cabadbaran City, matala ang lain-laing kahimtang sa hangin karong hapon.
Gikan alas-otso sa buntag hangtod alas-dose sa udto kganina, kasagarang stable ang air quality sa tulo ka monitoring stations.
Sa CSU Main Campus, nagpabilin kini sa GOOD hangtod FAIR level, samtang sa Doongan, fair level apan nagpabilin sa ‘unhealthy for sensitive groups’.
Sa Cabadbaran City, mima-ayo ang level gikan sa VERY UNHEALTHY sa buntag ngadto sa ‘unhealthy for sensitive groups’ sa udto.
Bisan gamay ra ang ka-usaban sa kinatibuk-ang kalidad sa hangin, nagpabilin gihapon nga gikabalak-an ang taas nga level sa Doongan ug Cabadbaran, ilabina alang sa mga bata, tigulang, ug mga adunay problema sa pagginhawa o sakit sa kasingkasing.
Gipahinumdoman sa EMB-Caraga ang publiko nga limitahan ang dugay o hago nga mga kalihokan sa gawas kung dili maayo ang kalidad sa hangin, magsul-ob og hustong mask kung mogawas sa mga lugar nga apektado, ug kanunay nga mag-monitor sa pinakabag-ong opisyal nga mga pahimangno.
