BUTUAN CITY – Pasok na sa ikaduhang round sa US Open Championship si Filipina tennis star Alex Eala human niya gipildi ang American qualifier nga si Mary Stoiana, 6-1, 6-2, sa first round.
Kusog ang gipakita ni Eala sa tibuok duwa ug wala niya hatagi og higayon si Stoiana nga makontrol ang duwa. Kini na ang ikaduhang sunod nga tuig nga nakaabot si Eala sa second round sa US Open.
Sa sunod nga round, atubangon ni Eala ang Ukrainian tennis player nga si Oleksandra Oliynykova, nga anaa sa World No. 46.
Mas lisod ang iyang sunod nga hagit tungod kay batid usab si Oliynykova ug nakadaog na siya batok kang Eala sa ilang mi-aging panag-atubang sa Strasbourg Open niadtong Mayo.
Ang ilang duwa sa US Open mahimong higayon alang kang Eala nga makabawi ug makapadayon pa sa iyang kampanya sa maong prestihiyosong Grand Slam tournament.
