-- ADVERTISEMENT --
BUTUAN CITY- Paspas nga gipahapa sa World No. 3 nga si Jessica Pegula ang Romanian tennis star nga si Elena-Gabriela Ruse sa ilang unang away sa US Open aron masiguro ang puwesto niini sa ika-duhang round sa torneo.
Wala na usab gipalangay sa American tennis champion ang duwelo batok sa WTA No. 51 dihang gihuman niini kini sulod lang sa duha ka set, sa skor nga 6-3, 6-2.
Wala na gipabangon pa sa Romanian player tungod sa gipakitang paspas ug kusog ni Pegula kinsa gilayon usab nga gikoptan ang kontrol sa tibuok duwa.
Taliwa sa taas nga puwesto niini sa WTA rankings, padayon gihapong gipangita ni Pegula ang iyang pinaka-unang Grand Slam title—usa ka tumong nga gilaoman niining makuha karung tuiga.
