BUTUAN CITY – Gikuwestiyon sa Office of the Ombudsman ang pagbiyahe ni Senador Loren Legarda gawas sa nasod ug ang iyang padayon nga pagpabilin sa laing nasod.
Sigon ni Assistant Ombudsman Atty. Mico Clavano, dili malikayan sa Ombudsman nga adunay mga pagduda bahin sa pagbiyahe sa senadora.
Matud pa ni Clavano, kung tinuod nga seryoso ang sakit nga gi-atubang ni Senador Legarda, usa lamang unta siya ka higayon mangayo og medical leave ug dili na balik-balik nga mangayo og extension.
Mao matud pa kini ang hinungdan nganong gihatagan nila og pagtagad o gi-“flag” ang aksyon sa senadora. Dugang pa niini, wala usab sa nasod ang iyang anak nga si Batangas 1st District Representative Leandro Leviste.
Ang mag-inahang Legarda ug Leviste nag-atubang og mga reklamo sa Ombudsman nga may kalabotan sa plunder, graft ug conflict of interest.
May kalabotan kini sa solar firm o kompanya nga nalambigit sa mambabatas, nga giingong napakyas sa pagtuman sa mga saad ug responsibilidad niini alang sa solar energy sa nasod.
Matud ni Clavano, seryoso ang maong mga kaso tungod kay adunay epekto kini sa kinabuhi sa mga Pilipino, ilabina sa nagkataas nga presyo sa kuryente.
