BUTUAN CITY- Nagdali-dali karun ang kampo sa defense team ni Vice President Sara Duterte nga makakita og bag-ong tigpamaba human gipatuman ang mas hugot nga lagda sa sub judice rule sa Senate Impeachment Court.
Sumala ni Michael Poa, kinsa kasamtangang mingbarog isip abogador ug tigpamaba sa depensa, adunay dakong sense of urgency nga mahulipan kini sa posisyon isip spokesperson aron malikayan nga mabutang sa delikado ang ilang kampo ugaling makamaiwasang malagay sa panganib ang kanilang kampo ugaling makasulti kini kalabot sa hisgutanang dili pa pwedeng hisgutan gawas sa pagtaral.
Pagklaro ni Poa, lisod balansehon ug suta-on kung asa nga mga hisgutanan sa impeachment trial ang pwedeng ipagawas sa media, hilabi na nga siya usab ang mismong mo-atubang sa impeachment court isip abogado.
Tungod niini, nakighipulong na usab kini kang Vice President Sara Duterte aron pormal nang magtudlo og lahi nga tigpamaba aron makapukos na lang kini sa legal nga proseso isip counsel.
Base sa ruling sa Impeachment Court, ang unang paglapas sa sub judice rule pahamtangan og admonition, samtang P30,000 nga multa usab ang ipahamtang sa matag sunod nga paglapas.
Posible usab nga mo-atubang sa buwag nga reklamong administratibo sa Integrated Bar of the Philippines (IBP) ang kinsamang abogadong molapas niini.
Giklaro usab ni Poa nga dili obligadong abogado ang kuhaon nila nga bag-ong tigpamaba, basta aduna kini abilidad nga mapasabot og klaro ug yano ang kumplikadong proseso sa pagtaral sa publiko ug mapadayag nga kanunay ang opisyal nga posisyon sa depensa.
