-- ADVERTISEMENT --
BUTUAN CITY- Miubos og 39 porsyento ang bag-ong natala nga HIV cases sa Pilipinas sa ikaduhang kwarter sa 2026 kumpara sa samang panahon niadtong 2025, sumala sa Department of Health.
Mikabat sa 2,994 ka bag-ong kaso ang nakumpirma gikan Abril hangtod Hunyo, diin kadaghanan mga lalaki ug anaa sa edad 25 hangtod 34.
Bisan pa sa pagkunhod sa bag-ong kaso, mikabat na sa 171,066 ang cumulative HIV diagnoses sa nasod sukad 1984. Gibanabana usab sa DOH nga adunay 288,000 ka tawo nga nagkinabuhi uban sa HIV sa Pilipinas.
Samtang, misaka ang paggamit sa PrEP, diin 9,640 ka bag-ong enrollees ang natala sa ikaduhang kwarter, samtang gipadayon sa gobyerno ang pagpalapad sa HIV testing, prevention ug treatment services sa tibuok nasod.
