BUTUAN CITY – Luwas nang na-dispose sa ginsakupan sa National Meat Inspection Service kon NMIS-Caraga, ngadto sa sanitary landfill ning siyudad sa Butuan ug sa condemnation pit, ang 8-mil ka kilong frozen imported meat nga ilang napalgang dili na luwas nga ka-unon sa mga tawo.
Sa eksklusibong pakighinabi sa Bombo Radyo Butuan, gipadayag ni NMIS-Caraga regional director Dr Angelita Barcelona, ka-uban ang mga sakop sa Butuan City Meat Inspection Team, ang apektadong mga produkto, natumbok sa gilusad nilang joint enforcement activity kansa dali nilang gi-hold aron malikayan ang pag-abot niini ngdto sa mga konsumidor hangtud nga human sa evaluation, gilusad gilayon nila ang tukma nga regulatory action ug saktong disposal sa mga niini.
Ang maong mga meat products nga nasutang non-compliant sa nagtunhay nga meat inspection laws and regulations, nagkantidad ngadto sa kapin 1.3-milyunes pisos.
Misaad ang opisyal nga komitido sila paghatag og technical assistance ngadto sa tanang mga stakeholders nga nalambigit sa meat business.
Gidasig usab niya ang mga establisamiento nga ilahutay ang mga food safety programs ug paningkamutan ang Double “A” standards— dili lang aron masiguro ang luwas nga karne alang sa mga konsumidor kondili aron matangan sila nga mapalig-on, mulahutay ug mulambo ang ilang mga negosyo.
