BUTUAN CITY- Taliwa sa paspas nga pagsaka ni Alex Eala sa world tennis, nagtuo ang coach niini nga si Joan Bosch nga daghan pa kini pwedeng pauswagon sa dula.
Sa usa ka interview sigon sa Spanish coach nga halos tanang aspeto sa dula ni Eala posible pang ma-develop, lakip ang serve, return, forehand, backhand, volley, footwork, endurance ug speed.
Sigon ni Bosch, importante ang proseso nga padayong pagkat-on ug paglambo sa Filipina tennis star sensation, nga matod niini maayo kaayong ehemplo ni Eala.
Gihatagan og ginbug-aton usab niini ang paspas nga pag-apply sa Filipina tennis star sa mga bag-ong nakat-onan sa training ug klaro usab matud pa ang tumong niini alang sa development.
Gipa-ambit usab ni Bosch ang importansa sa pagsalig tali niini ug Eala isip coach ug player.
Samtang gikatakdang mobalik si Eala sa US Open, kung asa makigsangka kini sa women’s singles ug mixed doubles kauban si Felix Auger-Aliassime. Apil usab kini sa Stars of the Open exhibition event.
