BUTUAN CITY- Minggasto na og kapin P8 billion ang Commission on Elections (Comelec) sa padayon niining pagpangandam alang sa nagkaduol nga Barangay ug Sangguniang Kabataan Elections kon BSKE.
Ang maong election nakatakda karung unang simana sa Nobyembre 2026, apan adunay sugyot nga magpostpone na usab.
Sa pakighinabi sa Bombo Radyo kang Comelec Chair George Garcia, gi-insistar niini nga dakong parte sa pondo sa komisyon ang gigasto na sa pagpangandam sa mga election paraphernalia sama sa pag-imprenta sa balota.
Sa pagkakaron adunay nabiling P11 billion nga pondo nga gigahin sa komisyon isip honoraria sa mga maestrang magsilbi sa election, pondo alang sa ilang training, ug mga magamit sa deployment sa mga kagamitan, sa ulahi.
Gikatakdang dunggon sa Senado sa mga sunod simana ang sugyot nga magpostpone sa BSKE 2026, ug sigon ni Garcia, mo-atobang kini sa maong hearing aron ipadayag ug gipa-ambit ang ka-andam sa komisyon.
Sumala ni Chairman Garcia, hangtud nga wala pa gi-cancel ang election magpadayon matud pa sa pagpangandam ang komisyon, lakip na ang pagmigna sa pipila ka contingency measures.
Natunong matud pa sa panahon sa pagbaha ang Nobiyembre ug gusto sa komisyon nga adunay nakahan-ay nga contingency plans ugaling aduany pagbaha nga masinati adiser ug sa mismong adlaw sa pinili-ay.
Dul-an 70 million Pilipino ang kwalipikadong makaboto sa BSKE 2026, base sa rekord sa COMELEC.
