BUTUAN CITY- Gikonsiderar sa Department of Energy (DOE) ang pagpatuman og three-strike policy batok sa mga generation company o gencos kansa balik-balik nga nakalapas sa mga regulasyon, ilabina sa pagreport ug forced outages, aron matubag ang kanunay nga kakulang sa suplay sa kuryente nga hinungdan sa yellow ug red alert sa Visayas ug Mindanao grids.
Sumala ni Energy Secretary Sharon Garin, mahimo nilang i-rekomenda ang pag-blacklist sa genco human sa tulo ka paglapas, basta masunod ang due process, ug plano usab sa DOE nga mag-deploy og battery storage units aron madugangan ang kapasidad sa grid.
Sukad sa miaging semana, kanunay nang naka-yellow ug red alert ang Visayas ug Mindanao tungod sa pagkadili-operasyonal sa dagkong coal-fired power plants ug limitado nga power transfers gikan sa ubang grids.
Sigon usab ni Garin, nga nakapadala na ang DOE og 175 ka show-cause orders ngadto sa mga genco aron ipasabut ang ilang mga paglapas, samtang padayon ang koordinasyon sa system operators ug generators aron mapasig-uli ang kapasidad ug malikayan ang mas grabe nga power shortage sa Visayas.
