BUTUAN CITY– Gikwestyon ni Senator Panfilo ”Ping” Lacson ang P1.9-trillion nga pondo alang sa flood control projects sa gobyerno human makasinati na usab og halapad nga pagbaha ang pipila ka parte sa nasud tungod sa walay hunong nga pagbundak sa uwan tungod sa habagat.
Sumala ni Lacson, ming-abot na sa P1.939 trillion ang gigasto sa Department of Public Works and Highways (DPWH) alang sa flood control management program gikan 2011 hangtud 2025.
Apan taliwa sa mga dagkong pondong gigahin, padayon gihapon matud pa ang mga pagbaha sa daghang lugar, lakip ang Metro Manila.
Sa isang post sa X o kanhi Twitter, sigon ni Lacson nga kapin P1 trillion ang gigastos sa flood management sa mi-aging 15 ka tuig.
Bugti matud pa niini ang dul-an P350 million matag adlaw.
Pinakadako ang tinuig nga pondo niadtong 2025, nga ming-abot sa P372.8 billion.
Gisundan kini og P346.7 billion niadtong 2024 ug P287 billion niadtong 2023.
Matud ni Lacson, kinahanglang masusi kung nahimong epektibo ba ang mga flood control project sa DPWH, hilabi na nga padayong nakasinati o grabe nga pagbaha ang nagkanda-iyang lugar.
Una na usab nagpagawas og mga alegasyon si Lacson kalabot sa ma-anomalosong proyekto sa pipila ka flood control projects sa Bulacan ug Oriental Mindoro.
Nakasubmite na usab matud pa kini og mga ebidensya sa Office of the Ombudsman kalabot sa gi-ingong anomalya sa slope protection projects ug ilegal nga reclamation activities sa Taguig City.
