BUTUAN CITY – Nag-debut na sa Japanese television kaganinang buntag ang P-pop group nga SB19 una ang ilang dugay nang gipa-abot nga performance sa Summer Sonic karong weekend.
Live guest sa morning show nga “DayDay” ang SB19 sa ilang programa kaganinang alas-10:25 sa buntag (Japanese Standard Time) kon alas-9:25 sa buntag, oras sa Pilipinas kondiinilang gi-perform ang ilang pinakabag-ong single nga “Lawless.”
Sigon ni Justin, kini ang ilang unang higayon nga nag-perform sa usa ka Japanese television show.
Nasayrang atua karon sa Japan ang SB19 human sa ilang mga kalihokan sa Estados Unidos, lakip na ang ilang makasaysayanong performance sa Lollapalooza.
Samtang ugmang adlawa Biyernes, Agosto 14, mag-perform usab sila sa Massive Stage sa Osaka alang sa ilang Summer Sonic debut samtang sa Sabado, Agosto 15, moadto naman sila sa Pacific Stage sa Tokyo.
Human sa festival, maghimo sila og “I WaS There Thanksgiving Fan Meet” sa Yokohama sa Agosto 18.
