BUTUAN CITY- Gibaligya na ang mga tiket para sa album launch ni Will Ashley nga himuon sa SM North EDSA Skydome karung Setyembre 20, diin dali usab nga nahurot ang SVIP tickets nga naglakip og photo op session sulod sa wala pay duha ka oras.
Apan makapalit pa gihapon ang mga fans og tiket sa upat ka laing kategoriya, diin ang VIP 1 nga adunay hi-bye session nagkantidad og P3,800, VIP 2 og P3,050, Patron og P2,700, ug General Admission og P1,850. Bag-o lang mipagawas si Will og teaser sa iyang kanta nga “Paborito,” usa sa mga track sa iyang umalabot nga album, diin iyang gisulat uban sa iyang suod nga higala ug OPM artist nga si Maki.
Ang Sparkle star nakahimo usab og sold-out concert sa New Frontier Theater niadtong miaging tuig, pipila ka bulan human sa iyang pag-apil sa “Pinoy Big Brother: Celebrity Collab Edition 1.0.”
Gilauman usab nga mopakita si Will sa umaabot Afternoon Prime series nga “Delivery Boi,” samtang kabahin usab kini sa “Amir,” ang 2026 Metro Manila Film Festival entry nga gibida nila Dennis Trillo ug Argus Aspiras
