BUTUAN CITY- Gibalibaran sa Sandiganbayan Second Division ang mosyon sa prosekusyon nga hawa-on si kanhi Department of Public Works and Highways Secretary Manuel Bonoan isip co-accused sa kasong graft nga gikalambigitan ni Senador Jinggoy Estrada kalabot sa anomalya sa flood control projects.
Sumala sa korte, dili pwedeng utrohon ang impormasyon sa kaso tungod na-arraign na si Estrada niadtong Hunyo 4. Ang pagtangtang kang Bonoan magbag-o matud pa sa teorya sa kaso gikan sa “conspiracy” padulong sa “individual liability,” nga maka-apekto sa depensa sa senador.
Gusto sa prosekusyon nga kuhaon si Bonoan aron magamit isip state witness sa mga flood control cases, lakip ang master case batok kang kanhi House Speaker Martin Romualdez. Bisan paman, gi-insistar sa Sandiganbayan nga ang susamang pagbago wala gitugotan niining yugtong sa pagtaral.
Giklaro sa korte nga posible gihapong i-discharge si Bonoan isip state witness sa sa husto ng pamaagi sa pagtaral. Sa pagkakaron, magpabilin kining co-accused sa kaso batok kang Estrada, kansa padayon nga gipukosan tungod sa flood control kickback scheme.
