BUTUAN CITY – Gi-recall sa Food and Drug Administration (FDA) ang pipila ka cosmetic products human nasayran nga adunay mga gidili nga sangkap nga gisagol niini.
Sigon sa FDA, nasuta nga ang maong mga produkto adunay Tretinoin ug Hydroquinone, nga wala gitugotan nga gamiton sa cosmetic products tungod kay posible nga makahatag kini og mga side effects sama sa iritasyon sa panit, mata, ug respiratory system, hypersensitivity, ug uban pang dili maayong epekto.
Tungod niini, gimanduan sa ahensya ang ilang mga sakop, mga lokal nga panggamhanan, ug ubang otoridad nga siguruhong dili na mabaligya sa merkado ang mga produktong nakalapas sa balaod.
Gipahimangnoan usab nila ang publiko nga ireport dayon sa ilang opisina kung makakita og pagbaligya o pag-apod-apod sa mga produktong adunay susamang kalapasan.
