BUTUAN CITY – Malampusong nalusad sa Department of Education kon DepEd-Caraga Region ang Caraga Cares kon CaraCares Compassion Project sa DepEd-Davao Occidental Divison kagahapon Hulyo 30, kondiin nanghatag sila og tabang sa mga estudyante, magtutudlo, ug komunidad nga naapektuhan sa bag-ong linog.
Gipangunahan ni Regional Director Allan Farnazo, CESO III, ang proyekto nga naghatag og educational ug relief assistance ngadto sa mga eskwelahan nga grabeng naapektuhan sa kalamidad ilabina sa lungsod sa Jose Abad Santos kondiin ang Ignacia Guillermo Central Elementary School nakadawat og 271 ka mga learner loot bags, backpacks nga adunay school supplies, ug rice assistance alang sa 71 school personnel.
Samtang ang Ignacia Guillermo High School nakadawat usab og rice assistance alang sa 45 ka mga school personnel ug sa lungsod sa Sarangani, 1,031 ka estudyante gikan sa 16 ka eskwelahan ang nakadawat og loot bags ug backpacks nga adunay school supplies, pagkaon, ug uban pang items.
Ang CaraCares Compassion Project gisugdan ni kanhi Regional Director Maria Ines Asuncion, CESO III, isip humanitarian outreach program nga nakabase sa diwa sa volunteerism ug shared responsibility.
Sulod sa duha ka tuig, kini na‑institutionalize isip usa sa flagship community engagement programs sa DepEd-Caraga ug gipalapdan gawas sa rehiyon. Misaad s Director Farnazo nga ipadayon ug palig‑on ang programa aron ang kultura sa compassion magpadayon sa pagdasig og paglaum sa mga lugar nga adunay panginahanglan.
