BUTUAN CITY – Samtang duna’y dakong papel sa panglawas ang ngipon kaysa sa kasagaran nga pagtuo sa mga tawo, apan ang kasamtangan nga solusyon sa pagkawala sa ngipon sama sa dentures ug implants, temporaryo lang ug dili kaayo epektibo.
Daghang surveys nagpakita nga kapin sa 70% sa mga hamtong mahadlok mu-adto sa dentista tungod sa ilang kabalaka ug kakulang sa pagsalig sa fillings ug drillings, nga nagdala kanila sa paglikay sa routine cleaning ug care.
Bisan pa man, halos adlaw-adlaw makadawat si biochemist Hannele Ruohola-Baker og email gikan sa mga tawo nga muhangyo nga tabangan sila sa dili kasagarang eksperimento sa dentistry— ang ilang tinguha mao ang pag-regrow sa ilang ngipon.
Kini tungod kay si Ruohola-Baker kabahin sa nagkadaghan nga grupo sa mga siyentista sa tibuok kalibutan nga naggamit sa gahum sa regenerative medicine aron mapuli-an ang tradisyonal nga dental procedures ug matabangan ang milyones ka mga tawo nga nag-antos sa pagkawala sa ngipon ug kasakit sa ngipon.
Kung matinuod ang ilang panglantaw, ang pagbisita sa dentista mahimong maglambigit na unya sa subling pagpatubo sa nadamyos nga teeth tissue o kaha bisan na sa entiro ngipon, inay nga repiron kini gamit ang mga synthetic materials o kaha pag-ibot niini.
