BUTUAN CITY – Mi-abot sa 12,000 ka mga tawo ang gipapahawa gikan sa habagatan-kasadpang bahin sa Pransiya samtang padayon ang paglihok sa mga otoridad aron mahikling ang 8,800 ka dugang pang mga inidbidwal tungod sa nagpadayong forest fire sa Gironde Region.
Sumala sa lokal nga opisyal, mga 3,400 ka ektarya (8,400 acres) na ang nadaot palibot sa Bay of Arcachon, samtang mga 700 ka mga bombero ang mikumbati pagpalong sa kalayo.
Daghang mga bisita sa mga campsite ssa Lège-Cap-Ferret peninsula ang napugos nga pagbiya pagkabii.
Mi-ulbo usab ang sunog sa Espanya ug Italya kondiin libu-ang katawhan ang gipahawa sa ilang mga balay sa pipila ka lugar kasadpan ug habagatan sa Madrid, ug usa ka bombero ang namatay human masakit samtang nag-atubang sa sunog sa Sicily.
Wala pa’y na-report nga angol samtang ang pipila ka lugar ug dalan gisira sa mga delikadong parte sa kalasangan.
Duha ka lokal nga bombero ang namatay mas sayo ning semanaha samtang mikumbati pagpalong kalayo sa sayong sunog duol sa Bordeaux airport.
