BUTUAN CITY- Padayon nga minghuyang ang Philippine Stock Exchange index kon PSEi ug ang bili sa piso batok sa US dollar niadtong Miyerkules tungod sa paghulat ug pag-amping sa mga mamumuhunan sa kahimtang sa merkado.
Mikunhod og 1.04% ang PSEi ngadto sa 6,267.85 points, samtang misaka ang pressure sa pagpamaligya sa mga stocks tungod sa padayon nga paghuyang sa piso.
Sumala ni Luis Limlingan sa Regina Capital Development Corp., nga nagpabiling mabinantayon ang mga investors ug gilauman nga ang lihok sa currency ug kinatibuk-ang kahimtang sa merkado maoy magdikta sa sunod nga direksyon sa pamaligya.
Sa laing bahin, ang piso miubos usab ug misira sa P61.75 batok sa US dollar, gikan sa P61.74 sa miaging adlaw, samtang misaka ang kantidad sa trading ngadto sa dul-an $1.27 billion.
