BUTUAN CITY- Gipadayag ni National Bureau of Investigation kon NBI Director Melvin Matibag sa nagpadayon nga impeachment trial, nga duna nay mga persons of interest ang ilang ahensya nga posibleng makatudlo sa tawong naka-Istorya ni Vice President Sara Duterte aron mupatay nila Pangulong Ferdinand “Bongbong” Marcos Jr., First Lady Liza Araneta-Marcos, ug kanhe House Speaker Martin Romualdez.
Mahinumdumang unod sa pamahayag ni VP Duterte nga kung dunay mopatay kaniya misugot matud pa ang iyang naka-estorya nga patyon usab ang first couple ug kanhe House speaker.
Sigon ni Matibag, posible usab nga usa sa mga persons of interest ang mismong naka-istorya sa Bise Presidente apan mibalibad kining ibulgar ang ilang identity isip proteksyon sa mga informants ug aron dili maapektuhan ang imbestigasyon. Sa kinatibuk-an, ang pagtumaw sa mga persons of interest nagdugang og kabug-at sa imbestigasyon sa NBI ug posibleng mamahimong yawe sa pagbulgar sa kamatooran sa mga pasangil batuk kang VP Sara Duterte.
Subling mobalik unyang hapon ang opisyal tungod kay wala natapos nga recross ug redirect examination sa Defense ug House Prosecution. Gipahinumdum usab ni Sen. Chiz Escudero nga walay trial sa Lunes, Hulyo 27, diin nakatakdang himoom ni Pangulong Ferdinand Marcos Jr. ang iyang ikalimang SONA.
Walay trial usab pagka-ugma July 28 hinoon makabaton ma lamang og trial sa Miyerkules sa sunod nga semana July 29. Magsugod na ang trial sa nasangpit nga adlaw sa alas-10:00 sa buntag ug matapos sa alas-2:00 sa hapon.
