BUTUAN CITY- Gi-awhag sa law professor ug law book author nga si Atty. Jennifer Arlene Reyes si Sen. Francis “Chiz” Escudero nga mahimong hugot usab sa iyang mga kaubanang judge sa nagpadayon nga impeachment trial ni Vice President Sara Duterte.
Sumala sa abogado, kinahanglang mahimong proactive ang trial presiding officer, ug gamiton ang gahom sa impeachment court aron masiguro nga ang mga niini mingsunod sa lagda sa korte.
Isip presiding judge, posible matud pang gamito ni Escudero ang contempt power, istoryahon ang mga judge, ug pamatud-an o imando ang pagpatay sa ilang mga mic.
Ang tanang mga niini possible matud pang himuon ni Escudero, base sa gitakda sa balod, aron masiguro nga mingsunod ug wala mingsupak sa lagda o impeachment rules ang iyang mga kaubanang senator-judge.
Dugang pa sa abogado, dako ang sakop ug papel sa presiding officer sa usa ka impeachment trial nga gitugotan sa balaod.
Tungod niini, adunay gahom matud pa ang si kinsa mang presiding officer nga disiplinahon ang ubang senator judge ug hisgutan kung minglapas ang mga niini sa lagda sa korte.
Dili matud pa malikayan nga posibleng mosubra ang ubang senador sa kanilang katungod idip judge, mao nga posibleng mosulod si Sen. Chiz aron malikayan kini
