BUTUAN CITY- Mingtubag na si Senador Alan Peter Cayetano sa gipasakang obstruction of justice batok niini kalabot sa pagtakas ni Senador Ronald “Bato” dela Rosa gikan sa Senado niadtong sayo sa kabuntagong sa Mayo 14, sumala sa Office of the Ombudsman.
Gikumperma usab sa Ombudsman nga nadawat na niini ang kontra-salaysay ni Cayetano niadtong Miyerkules isip tubag complaint-affidavit nga gipasaka sa Tindig Pilipinas niadtong Hunyo 3.
Sa usa ka pamahayag, sigon sa anti-graft body nga ang counter-affidavit sa senador tubag sa nagpadayon nga preliminary investigation sa reklamong gipasaka sa mga miyembro sa civil society.
Gawas kang Cayetano, lakip pa sa mga respondent sa reklamo sila Senador Robin Padilla ug ang napalagpot nga si Senate Sergeant-at-Arms Mao Aplasca.
Samtang wala pa nakasubmite sila Padilla ug Aplasca sa ilang counter-affidavits, sumala sa Ombudsman.
Ugaling mapakyas ang duha sa ilang kontra-salaysay sa gitakdang deadline, ang kaso ilhon nga “deemed submitted for resolution” ug dili na modawat pa ang Ombudsman og dugang mga dokumento o apela.
