BUTUAN CITY- Naghatag og inspirasyon ang 21-anyos nga Filipina tennis star nga si Alex Eala sa mga batan-ong player atol sa usa ka eksklusibong meet-and-greet event sa Nike Fort, diin asa gipaambit niini ang kamahinungdanon sa pagsalig sa kaugalingon, determinasyon ug pagpadayon sa pagtinguha sa mga damgo.
Ang mga kabataang tennis players nga nakatambong, lakip ang mga top-ranked junior athletes, mingbutyag nga mas nadasig ang mga niini sa pagpadayon sa ilang pag-bansay ug pagtinguha nga mahimong propesyonal nga player sama ni Eala.
Gipasalamatan usab sa mga niini ang pagkamapaubsanon ug pagkamahigalaon sa Filipina tennis sensation, kansa nagbilin og positibong impluwensya dili lamang sa ilang karera sa sports kondili lakip usab sa ilang personal nga kinabuhi, samtang nagpadayon si Eala sa pagdasig sa sunod nga henerasyon sa mga atletang Pilipino.
