-- ADVERTISEMENT --
BUTUAN CITY- Gikomperma ni Department of Justice kon DOJ spokesperson Atty. Polo Martinez nga nadawat na sa ahensya ang rekomendasyon sa National Bureau of Investigation kon NBI nga kasuhan si kanhi Ateneo men’s basketball coach Tab Baldwin ug laeng 11 pa ka kauban sa insidente sa pagkamatay sa student-athletes nga si Agusan del Sur Pride Rene Clert “Bobet” Baterbonia ug sa iyang kaubanan nga si Divine Adili atol sa training sa Dipaculao, Aurora niadtong Hunyo 8.
Sigon pa ni Martinez, susihon ug ebalwahon sa DOJ ang referral ug ebidensya nga gisumite sa NBI, ilabi na nga adunay una nang reklamo nga gipasaka sa Criminal Investigation and Detection Group kon CIDG kalabot sa maong kaso.
