BUTUAN CITY – Gipadayag ni Pangulong Ferdinand Marcos Jr nga dili makatabang ang desisyon sa China nga nagdeklara ang Defense Secretary Gilberto ‘Gibo’ Teodoro nga persona non grata kay mas nagdugang lang kini sa tensyon tali sa duha ka nasud.
Nahitabo ang maong deklarasyon tungod sa iyang mga pamahayag nga kontra sa territorial claims sa Beijing sa West Philippine Sea.
Sigon sa Ministry of Foreign Affairs sa China, ang mga pulong ni Teodoro, nakadaot sa lehitimong interest sa China ug sa relasyon sa Pilipinas ug China.
Sa iyang pag-atubang sa mga tigbalita didto sa Canada, gipadayag sa pangulo nga ang gihimo sa China, dili makatabang bisan og padayon nga bukas ang komunikasyon sa Pilipinas ug China sa lebel sa gobyerno, negosyo, ug ubang sektor aron maminusan ang tensyon.
Dugang pa niini, ang pagsira sa usa pa ka linya sa komunikasyon, ilabina sa tali sa mga defense ministries, dili makatabang pagpakunhod sa tensyon ug pagpalig-on sa panagsabot.
