BUTUAN CITY- Posibleng plastaron una ang pipila ka mga mosyon ug mga procedural issues sa unang adlaw sa impeachment trial batok kang Vice President Sara Duterte.
Sumala sa kanhi Congressman sa Surigao del Norte 2nd District ug karun House Prosecution spokesperson nga si Ace Barbers, kinahanglan nga mahimong solido ang pag-uswag sa trial ug masigurong walay unsa mang procedural lapses o legal nga problema aron magpadayon ang trial.
Ang pagresolba o pag-plastar una sa pipila ka procedural issues usa ka importanteng lakang matud pa adiser sugdan ang pagpresenta sa mga ebidensiya ug mga testigo, nga posibleng himuon na sa mga sunod nga adlaw.
Magsugod sa adlaw nga Lunes ang trial batok sa ika-duhang Presidente ug gilaomang molungtad og kapin pito ka buwan.
Sigon pa ni Barbers, plano sa tanang mga prosecutor nga motambong sa unang adlaw sa hearing, kauban na ang mga bag-ong private prosecutor nga wala pa nakapasulod og ‘entry of appearance’.
Pag-insistar ni Barbers, andam na ang panel sa pagpresenta sa ebidensiya ug mga testigo, ug sa posibilidad nga madugayan ang trial.
Sa pagkakaron, hapsay matud pa ang panag-uban tali sa mga abogado, taliwa sa ilang ihap, ug managlahing legal background.
