BUTUAN CITY- Opisyal nang nagpakasal ang pop superstar nga si Taylor Swift ug American football player nga si Travis Kelce niadtong Biyernes sa gabii, Hulyo 3, 2026, sa usa ka marangyang seremonya sa Madison Square Garden sa New York City nga gipangulohan sa ilang suod nga higala ug komedyante nga si Adam Sandler.
Bisan og malampuson ang gitawag nga “wedding of the century,” giatubang niini ang daghang pagsaway gikan sa publiko tungod sa pagsira sa mga karsada nga mingresulta sa grabeng trapiko sa Midtown Manhattan atol sa long weekend sa Fourth of July, ingon man sa sobra matud pang pagtagad sa media samtang adunay mas dagkong isyu nga giatubang sa kalibotan.
Ang magtiayon usab mibuak sa tradisyon pinaagi sa paghatag sa ilang mga igsoon sa mga pangunahing papel sa kasal, ug human sa seremonya, gisidlakan sa pink ug lavender nga suga ang Empire State Building ug ang dagkong screens sa gawas sa Madison Square Garden isip pagpasundayag sa ilang kaminyoon.
