BUTUAN CITY – Nakatala og duha ka puntos si Harry Kane aron ibangon ang England gikan sa pagkalupig batok sa Congo ug i-set up ang sangka sa round of 16 batok sa host nga Mexico didto sa Azteca Stadium.
Gisipa ni Kane ang pangdaog nga puntos upat ka minuto sa wala pa mahuman ang dula, human niya gitabla ang score sa ika-75 nga minuto pinaagi sa pag-ikyas sa nagbantay kaniya ug sa cross gikan ni Anthony Gordon.
Una niin, gihatagan ni Brian Cipenga og makapakurat nga labaw ang Congo sa ika-pito nga minuto, diin gikontrolar sa walay bantay nga winger ang bola sa sulod sa box sa wala pa niya gipauwanan og ubos nga sipa gamit ang tuong tiil aron pildihon ang goalkeeper nga si Jordan Pickford sa sikit nga poste niini.
Ang Congolese nga goalkeeper nga si Lionel Mpasi nakahimo og mga nindot nga save batok sa sipa nila ni Jude Bellingham ug Kane, samtang na-save usab ni Aaron Wan-Bissaka ang sipa ni Marcus Rashford nga padulong na unta mosulod sa goal.
Makigsangka ang England batok sa Mexico sa last 16 didto sa Azteca Stadium karong Dominggo.
