-- ADVERTISEMENT --
BUTUAN CITY- Usa na usab ka low pressure area kon LPA ang namatikadn sulod sa Philippine area of responsibility kon PAR. Nakit-an ang sentro niini sa distansyang kapin 900 kilometro sa sidlakang Northeastern Mindanao.
Sumala sa state weather bureau, wala pa gihapoy kasiguraduhan kung asa nga lugar ang posibleng ma-igo niini ugaling mo-direkta kini sa kayutaan. Gipasalig usab sa ahensya ang padayon nga pagmonitor sa maong LPA ug gilayon nga mohatag og abiso ugaling aduna nay bag-ong kondisyon niini.
Sa pagkakaron wala pay direktang epekto sa nasud ang nasangpit nga sistema, apan gipahimangnuan ang publiko nga magpabiling alerto ug maminaw sa mga opisyal nga weather advisories.
