BUTUAN CITY – Hingpit nang nadawat sa pamilya Baterbonia ang usa ka condo unit nga nagkantidad og ₱2.266 milyon human kini gi-turn over kaganina sa National Housing Authority (NHA) sa pagpanguna ni General Manager Joeben Tai, ug sa NHA Butuan pagpanguna usab ni Regional Director Erasme Madlos.
Natigayon ang pag-turn over duha ka adlaw human sa paglubong ni AgSurnon sports icon Rene Clert ‘Bobet’ Baterbonia kansa katumanan na sa pila ka tuig niyang pangandoy nga mahatagan og desenteng kapuy-an ang iyang pamilya.
Nasayrang sa kapin 20 ka tuig, nagpuyo ang pamilya Baterbonia sa usa ka yano nga balay nga kanunay mabahaan nga maoy magpugos kanilang mobiya ug muhikling sa simbahan aron makalingkawas sa peligro.
Nahimutang ang condo unit sa Madayaw Residence sa Davao City.
