BUTUAN CITY- Gi-insistar ni Senate Minority Leader Alan Peter Cayetano nga dili kinahanglang mahimong hinungdan ang impeachment trial ni Vice President Sara Duterte aron i-postpone sa Senado ang imbestigasyon sa flood control scam.
Sumala ni Cayetano, dili dapat mapasagdan ang mga hisgutanan sa korapsyon samtang busy ang Senado sa impeachment proceedings. Matud pa niini, mas dako pa ang pondong nalambigit sa kontrobersiya sa flood control projects mao nga kinahanglang ipadayon matud pa ang mga hearing sa Blue Ribbon Committee.
Dugang niini, gibatikos pag-usab ni Cayetano si Sen. Panfilo Lacson tungod sa daw pamagaagi sa pagkupot sa mga mi-aging imbestigasyon, ug gikwestyon usab ang posisyon ni Sen Erwin Tulfo nga kinahanglan una og bag-ong ebidensya adiser mo himo na usab og hearing.
Samtang gilimod ni Senator Francis Escudero ang mga alegasyong mingdawat kini og maleta nga pera kalabot sa isyu. Nanawagan usab si Cayetano sa mga senador nga magpabiling patas ug politically neutral samtang gihimo ang ilang serbisyo isip senator-judges sa impeachment trial.
