BUTUAN CITY – Gi-aprobahan sa Senado sa Estados Unidos nga kontrolado sa Republicans, ang usa ka resolusyon nga nagtugon kang President Donald Trump nga ihunong ang giyera sa Iran o kaha mangayo una og pagtugot gikan sa Kongreso sa dili pa magpadayon sa aksyong militar.
Pipila ka Republicans ang mi-uban sa Democrats sa boto nga nga gihimo kaganina kondiin 50 ang pabor samtang 48 usab ang supak. Madumdumang susamang resolusyon ang gi-aprobahan usab sa US House of Representatives ning mi-aging bulan.
Apan kini nga resolusyon simboliko lang tungod kay bisan pa nga gi-aprobahan kini sa duha ka balay bala-uranan sa Kongreso, dili kini ipadala kang Trump alang sa iyang konsiderasyon ug wala kini gahum nga mahimong balaod.
Nahitabo kini samtang ang pipila ka Republicans sa Kongreso nagpadayag og pagduhaduha sa peace plan nga gi-uyonan ni Trump uban sa Iran, samtang nagpadayon ang giyera nga anaa na sa ikalima nga bulan..
