BUTUAN CITY – Gipa-ilalom na sa state of calamity ang lungsod sa Lake Sebu, South Cotabato tungod sa kadako sa kadaut nga gibilin sa magnitude 7.8 nga linog niadtong Hunyo 8.
Mi-abot na sa kapin 1,200 nga kabalayan ang natalang totally damaged samtang gibana-banang anaa sa 40-milyunes pisos ang gibiling damyos sa maong lungsod. Mi-abot usab sa kapin 200 ka mga pamilya ang na-apektuhan sa linog ug napugos paghikling gikan sa ilang pinuy-anan tungod sa dakong epekto sa linog ilabina nga halos tanang barangay sa lungsod ang duna’y natalang landslides.
Una nang gibutyag ni South Cotabato Governor Reynaldo Tamayo Jr, nga igo ug wala’y mahimong problema ang probinsya sa pundo alang sa pagsanong sa panginahanglanon sa mga lungsod nga apektado sa kalamidad.
Sa kasamtangan, nakapang-apod apod na ang Provincial Risk Reduction and Management Office og og relief assistance ngadto sa 78 ka mga mga apektadong pamilya.
