BUTUAN CITY- Mingtabon na sa kapin 2,000 ka ektarya ang kusog nga sunog o wildfire sa lasang sa habagatang California sulod sa usa ka gabie, sumala sa California Department of Forestry and Fire Protection (Cal Fire).
Sa aerial footage nga nakuha niadtong Lunes, makita ang usa ka helicopter nga nagbubo og tubig aron mapugngan ang pagkuyanap sa kalayo, samtang adunay mga sakyanan nga nagpadayon sa pag-agi sa mga dalan duol sa nasunogang lugar sa Riverside County.
Gitukod usab ang mga evacuation center alang sa mga residente nga napahawa sa ilang mga panimalay human gipatuman ang evacuation orders sa pipila ka bahin sa maong lugar. Sigon sa Cal Fire nga kapin 40 ka fire engine ug kapin sa 250 ka personnel ang gipakatap aron mapukan ang nagpadayon nga sunog
