BUTUAN CITY- Nagsugod sa kusog nga kampanya ang Germany sa FIFA World Cup 2026 human nilang gipildi ang Curaçao, sa skor nga 3-1, alang sa Group E encounter nga gipahigayon sa Houston, USA.
Si Felix Nmecha maoy unang nakapuntos sulod sa unom ka minutos, apan nabaslan kini ni Livano Comenencia inig-abot sa -21 minutos hinungdan nga natala ang unang goal sa kasaysayan sa Curaçao sa FIFA World Cup.
Gibalik ni Nico Schlotterbeck ang abante sa Germany pinaagi sa header sa 38 minutos, samtang gipalapad ni Kai Havertz ang bintaha pinaagi sa penalty kick sa first-half stoppage time. Nakontrolar usab sa Germany ang 60 porsyento sa ball possession kumpara sa 40 porsyento sa Curaçao, nga naghatag kanila og maayong pagsugod sa torneo human sa ilang sayong pagkapahawa sa group stage sa 2018 ug 2022 World Cups.
Bisan napildi, nakasulat gihapon og kasaysayan ang Curaçao isip usa sa pinakagamay nga nasud nga nakaabot sa FIFA World Cup finals ug nakapuntos sa ilang unang goal sa kompetisyon.
