BUTUAN CITY- Gikumperma ni Senate President Pro-Tempore ug Acting Senate President Sherwin Gatchalian nga mobalik ang sesyon sa Senado karung adlawa Lunes, Hunyo 15, 2026, taliwa sa kasamtangang isyu sa liderato sa Upper House.
Sumala ni Gatchalian, ipatuman gihapon ang mas hugot nga seguridad sa Senado karung adlawa, lakip ang pagpatuman og “no visitor policy” isip parte sa mga precautionary measures tungod matud pa sa hulga sa seguridad nga gitaho sa National Bureau of Investigation kon NBI.
Una nang nagpagawas og memorandum ang opisina ni Gatchalian niadtong Hunyo 9 aron magpatuman og heightened security protocols.
Bisan pamab, dili klaro kung unsa nga klase sa convening ang ipahigyaon karung adlawa, tungod wala pay detalye nga gipagawas kung kini regular session, organizational meeting, committee hearing, o uban pang special proceeding.
Subay niini, nagpabilin gihapon nga wala nagkasinabot ang liderato sa Senado. Sigon ni Senator Alan Peter Cayetano, igo na ang boto sa 13 ka senador aron ma-validate ang eleksyon a Senate president, samtang padayon nga gilalisan ang nahimong proseso sa liderato sa Senado.
Tungod niini, nagpabiling misteryo sa publiko kung unsa eksaktong maglihok ang Senado inig balik sa ilang pag-convene karung adlawa Hunyo 15
