BUTUAN CITY- Padayon nga mingsaka ang ihap sa mga namatay human ang magnitude 7.8 nga linog nga ming-igo sa pipila ka parte sa Mindanao niadtonng Hunyo 8.
Sumala sa Office of the Civil Defense kon OCD, ming-abot na sa 46 ang ihap sa mga namatay, samtang 630 usab ang angol ug 17 ang missing.
Nagpdayon usab ang search and rescue operations sa mga lugar nga grabeng na-apektuhan sa kalamidad.
Lakip sa mga kataposang biktima nga nakit-an ang usa ka empleyado nga na-ipit sa nahugno nga supermarket sa General Santos City. Human sa pila ka adlaw nga pagpangita, narekober sa mga rescuer ang patay’ng lawas niini gikan sa ilawom sa mga debris.
Dako usab ang nahimong epekto sa linog sa sektor sa edukasyon. Kapin 1,100 ka tunghaan sa Mindanao ang nadaot, samtang suspendido gihapon ang klase sa labing-minus 8,000 ka skwelahan. Sumala sa Department of Education, posibleng mo-abot sa pila ka buwan adiser mabalik sa normal ang operasyon sa pipila ka mga tunghaan.
Samtang, padayon nga naglisod ang mga ahensya sa gobyerno sa paghatud og tabang sa pipila ka lugar tungod sa mga naguba nga kalsada ug landslide. Tungod niini, minggamit na og mga helicopter ang Armed Forces of the Philippines aron mahatud ang pagkaon, tambal, ug uban pang nag-unang panginahanglanon sa mga komunidad nga dili dali ma-adto.
Nabalik na usab ang kuryente sa labing minus 85 porsyento sa mga apektadong lugar. Inanay na usab nabalik ang komunikasyon uug suplay sa tubig sa lain-laing komunidad.
Sa pagkakaron padayon ang pagtinabangay sa mga government agnecies alang sa relief, rescue, ug rehabilitation efforts samtang liboan ka pamilya sa Mindanao ang nagsugod nga mingbangon gikan sa usa ka pinakadako nga linog nga ming-igo sa rehiyon.
