BUTUAN CITY – Gisuspinde sa executive bureau sa International Criminal Court (ICC) si Chief Prosecutor Karim Khan tungod sa mga alegasyon sa sexual misconduct o pang-abusong sekswal.
Ang 21-member bureau sa Assembly of States Parties (ASP), nga maoy nagdumala sa ICC, nagdesisyon pinaagi sa qualified majority nga isuspinde si Khan samtang nag-ong-ong pa ang pinal nga desisyon sa maong bureau isip competent decision-maker.
Gipamugos sa bureau nga ang suspensiyon dili timailhan sa pinal nga resulta.
Kahinumduman nga giakusahan si Khan sa giingong indecent behaviour ngadto sa usa ka babayeng empleyado nga nagtrabaho sa iyang opisina.
Nagsugod ang isyu niadtong sayong bahin sa tuig 2024, diin giakusahan si Khan sa usa ka babayeng assistant nga nag-ingon nga giharas siya ug gipugos sa pipila ka dili maayong mga buhat.
Sa wala pa ang opisyal nga suspensiyon karong Hunyo 2026, si Khan boluntaryo nang nagduso og leave of absence niadtong Mayo 2025 aron ihatag ang dalan sa imbestigasyon.
Makapila na usab niya gihimakak ang mga pasangil batok kaniya.
Si Khan nailhan sa pagdumala sa mga high-profile nga kaso, lakip ang mga warrant batok kang Russian President Vladimir Putin ug Israeli Prime Minister Benjamin Netanyahu, ingon man ang imbestigasyon batok kang kanhi Pangulong Rodrigo Duterte.
Tungod sa maong suspensiyon, na-diskwalipika na usab siya sa paghawid sa kaso sa kanhi presidente sa Pilipinas.
