BUTUAN CITY– Gisa-ulog sa Filipino Community sa Ottawa, Canada ang Araw ng kalayaan sa Pilipinas sa usa ka madasigon ug mabulak-lakon nga selebrasyon nga gitambuan usab sa libaon ka mga Pilipino, mga government official sa Canada ug mga special guest gikan sa Diplomatic Community.
Gipangunahan ang maong panagtapok sa Philippine Ambassador to Canada kansa naghatag og mensahe nga panaghi-usa, pagpanghambog sa kulturang Pilipino ug padayon nga pagpalig-on sa relasyon tali sa Pilipinas ug Canada. Sa ekslusibong pakighinabi sa Star FM Davao kang Jose Victor Gonzaga, Philippine Ambassador to Canada, gipa-ambit niini ang iyang kalipay ug kadasig nga nahimong magmalampuson ang nasangpit nga selebrasyon sa Ottawa.
Sumala niini, nga maong selebrasyon pamatuod nga nagpabiling buhi ang pagka-Pilipino bisan paman nga anaa sa layo ug ang mga Overseas Filipino Workers kon OFW nagsilbing modern day heroes nga nagdala og dungog sa nasud. Nagpasalamat usab si Gonzaga sa Filipino-Community Leader nga nagsilbing tulay aron mahimo ang malampuson nga programa.
Usa sa gibida mao ang parade of Lechon nga nag originate pa gikan sa Luzon, Visayas ug Mindanao, nga mingdani usab gilayon og atensyon sa mga bisita.
