BUTUAN CITY – Abli matud pa si Acting Senate President Sherwin Gatchalian sa posibilidad nga pakigpulong sa kampo ni Senate President Alan Peter Cayetano aron mahisgutan ang nagtunhay nga tensiyon sa liderato sa Senado.
Sigon ni Gatchalian nga andam siyang makig-estorya sa tanang senador lakip na ang mga anaa sa minority ug bisan ang kampo ni Cayetano taliwa sa padayon nga wala pagsinabtanay pagdumala sa senado.
Sumala pa niini nga importanteng magpadayon ang komunikasyon tali sa mga magbabalaod tungod kay usa ra gihapon ang ilang institusyon ug kauiban silang mohimo og balaod alang sa nasud.
Gitin-aw ni Gatchalian nga ang kasamtangang tumong sa iyang grupo ang mabalik sa normal ang operasyon sa Senado ug maseguro ang pagpadayon sa sesyon ug mga nag-ong-ong nga sugyot balaodnon.
Mahinumdumang gi-imbitar usab ni Cayetano diha sa iyang facebook live si Gatchalian para sa usa ka panagpulong diin gibutyag niining dunay solusyon siya sa isyu kung kinsa ang tinood nga Senate President.
Sa nasangpit nga pamahayag, gipamugos usab ni Cayetano nga base sa iyang panglantaw sa mga legal ug konstitusyonal, ang lehitimong lider mao kadtong nakakuha sa 13 ka boto sa mga senador.
