BUTUAN CITY – Nahimong sentro sa atensyon ang lima ka paresan sa kaluha sa usa ka high school sa Illinois tungod kay dungan silang mi-graduate ning mi-aging mga adlaw.
Nasayrang apil sa 72 ka mga migradwar sa Cumberland High School ning tuiga ang lima pa paresan sa managkaluha kondiin sigon sa bag-ong graduate nga si Trey Lewis, daan na silang nasayod tungod kay gikan sa ilang unang mga tuig sa maong tunghaan sukad nga sila gagmay pa, anaa na man sila.
Apan ang wala nila damha, nga musikat sila tungod lang kay dungan silang mi-graduate.
Nasayrang ang maong tunghaan, nahimutang sa amihanang kasadpan sa Greenup, usa ka village nga duna lama’y 1,300 ka mga tawo rason nga ang migradwar nga mga high school students, milangkob sa 14-porsiento sa graduating class — nga maoy nakapahimo niining mas pinasahi.
