BUTUAN CITY – Nakakuha og 2-0 series lead ang New York Knicks human gipildi ang San Antonio Spurs sa dikit nga dula, 105-104, sa Game 2 sa NBA Finals. Nahimong yawe sa kadaugan si Jalen Brunson nga mihimo og importanteng steal ug free throw sa ulahing segundo aron maluwas ang Knicks.
Sa maong kaduagan, duha ka daug na lang ang kinahanglan sa Knicks aron makuha ang ilang pinaka-unang NBA championship sukad pa niadtong 1973.
Nagpakitang-gilas si Karl-Anthony Towns nga dunay 21 puntos, 13 rebounds, ug 4 assists, samtang si Brunson nitala og 20 puntos, 5 rebounds, 6 assists, ug 5 steals.
Mitampo usab si Mikal Bridges og 20 puntos, 6 rebounds, ug 6 assists, ug si OG Anunoby dunay 17 puntos, 4 rebounds, 3 assists, ug 2 steals.
Sa panig sa Spurs, nanguna si Victor Wembanyama nga dunay 29 puntos, 9 rebounds, 2 assists, ug 4 blocks, samtang si De’Aaron Fox nitala og 20 puntos, 3 rebounds, ug 5 assists.
