BUTUAN CITY – Wala magdahom ang asawa sa 48-anyos nga si Eric Pierwsza sa reaksyon niini dihang gisultihan niya kining natapos na ang ilang kaminyuon ug nag-file na siya alang sa ilang divorce.
Tibuok gabii nga nag-inom si Eric ug pagkabuntag, gikuha niya ang ilang construction excavator ug gi-demolish ang halos katunga niini.
Nasayrang anaa pa sulod sa ilang balay ang iyang asawa ug diha ka mga anak nga babaye dihang iyang giguba ang ilang balay rason nga daling mitawag sa 911 ang iyang asawa.
Human giguba ang likod nga parte sa ilang balay, misulod gilayon si Eric dayong kuha sa iyang gym bag, dayong adto sa sentro sa lungsod diin siya gi aresto sa mga pulis.
Tungod niini, gawas nga buwagan pa saiyang asawa, nag-atubang pa siya karon og pipila ka mga kaso sama sa pagmugna og catastrophe, reckless endangerment, ug disorderly conduct.
Sigon sa mga imbestigador, grabe ang damyos sa balay nga kinahanglan nang i-demolish alang sa kaluwasan sa mga tagbalay.
