BUTUAN CITY- Mingtapos ang Caraga Region sa ika-6 nga pwesto sa bag-ohay lang natapos nga Palarong Pambansa 2026 kagahapong adlawa, Domingo Mayo 31 sa Agusan del Sur.
Nakatala ang rehiyon sa kinatibuk-ang 97 ka medalya din 30 niini ang bulawang medalya, 19 ka Silver ug 48 ka bronze medal. Ang Elementary category nakakuha og bulawan gikan sa Arnis, Athletics, Chess, Taekwondo ug Tennis. Samtang sa Secondary Category nakatala og Gold ang Arnis, Boxing, Football, Gymnastics, Pencak Silat, Swimming, Tennis, Wrestling ug Wushu.
Kahinumduman ang Caraga Region nakahuman sa ika-8 nga pwesto sa Palarong Pambansa 2025 nga gipahigayon sa Laoag, Ilocos Norte, diin nakakuha kini og 21 ka gold, 20 ka silver ug 43 bronze medals, gani nakapakita kini karun og dako nga pag-uswag kumpara niadtong 2025 ug 2024.
Ang maong resulta nagpakita sa lig-on nga partisipasyon ug talento sa mga atleta sa rehiyon, nga nakahatag og dungog sa Caraga sa nasudnong kompetisyon.
