BUTUAN CTY- Mingsipa na sa 10 ang ihap sa mga namatay sa nahugnong 9 ka andanang under construction building sa Angeles City, Pampanga human makuha sa mga awtoridad ang usa pa ka patay’ng lawas kagahapon, Mayo 31.
Padayon pa usab nga gisuta sa mga awtoridad ang pagidentify sa nasangpit nga biktima.
Una nang narekober sa managlahing retrieval operations ang ika-8 ug ika-9 nga namatay sa may alas-2:51 ug alas-3:43 kagahapon sa hapon. Usa pa ka lalaking biktima usab ang nakuha gikan sa nahugno pasado alas alas-7:42 sa buntag.
Sumala sa mga awtoridad nga wala sa tulo ka biktima ang adunay dala nga bisan unsang identity dihang nakit-an ang ilang patay’ng lawas.
Padayon usab ang retrieval operations gamit ang mga heavy equipment ug manwal nga pagkabot samtang ma-ampingon nga gisuta sa mga rescuer ang uban pang posibleng biktima.
