BUTUAN CITY- Wala gihapoy hunong ang gihimong search, rescue ug retrieval operations human ang usa ka simana sukad naghugno ang 9 ka andana nga building sa Balibago,Angeles City, Pampanga niadtong Mayo 24.
Sumala ni BFP-Region 3 Public Information Office chief Fire Supt. Maria Leah Sajili nga minggamit na sila og bisan unsang pamaagi aron hugot nga masusi ang nahugno nga building kung aduna pay posiblebng marescue.
Gitaho usab sa BFP official nga nagpabilin sa unom ang kumpirmadong ihap sa mga namatay sa trahediya samtang anaa sa labing-minus 14 ka tao gihapon ang nawala.
Dili pasab makumpirma sa pagkakaron kung ang tanang mga nangawalang indibidwal mga construction workers.
Sigon usab ni Sajili nga adunay mga motorsiklo, cash box ug payong silang narekober gikan sa site sa nahugno nga building hinungdan nga posibleng nadamay ra usab matud pa ang unang nahataho nga mag-amahan kansa namaligya lang gamit ang push cart duol sa building.
Sa pagkakaron padayon gihapon pagpangita sa gipangkatag nga K-9 unit sa Philippine Coast Guard sa mga lokasyon nga adunay na-detect nga paglihok ilawom sa nahugno.
Apan giklaro sa BFP official nga ang mga paglihok dili awtomatikong nagpasabot nga adunay tao o buhi pa sa lugar.
