BUTUAN CITY – Tulo ka memorandum of understanding ang gipirmahan tali sa mga kompanya sa Pilipinas ug Japan aron pakusgon ang smart cities, digital connectivity, ug financial technology sa nasud atol sa ikaduhang adlaw sa state visit ni Pangulong Ferdinand Marcos Jr sa Japan.
Saksi ang pangulo uban si Trade and Industry Secretary Cristina Roque sa pagpirma sa maong mga kasabutan apil niini ang pagtuon sa intelligence city initiatives sa Makati City gamit ang artificial intelligence kon AI, advance telecommunications ug internet connectivity aron mapahapsay ang transportation, energy management ug digital city services.
Gipirmahan usab ang kasabutan alang sa smart life digital services nga magpalapad sa reward programs, ticketing, online payments, ug digital marketing solution. Palapdan usab sa bag-ong partnership ang GCash services sa Pilipinas ug uban pang mga nasud.
