BUTUAN CITY- Tibuok gabi nga himuon sa mga awtoridad ang search-and-rescue operations alang sa gibana-banang 20 ka-tao nga gituohang na-trap ilawom sa nahagsa nga building sa Angeles City niadtong Domingo sa sayong kabuntagon.
Sumala ni Angeles City public information officer Jay Pelayo, dili mohunong ang rescue operations samtang adunay makuha nga senyales nga buhi gikan sa mga posibleng survivors ilawom sa mga tipaka sa bato.
Sigon ni Pelayo nga mas pahugtan pa sa mga rescuer ang ilang operasyon human makadetect og signs of life gikan sa pipila ka na-trap sa debris.
Dugang pa niini, nga mingtabang na usab ang ubang mga local government units sa rescue efforts samtang nagdeploy usab og pipila ka dagkong floodlights sa lugar aron masuportahan ang overnight operations.
Sumala sa mga awtoridad, kadaghanan sa mga nawala mga construction worker. Kapin 20 katao usab ang na-rescue gikan sa insidente.
Sa pagkakaron, usa palang ang kumpirmadong patay kansa gituohang usa ka Malaysian tourist nga temporyng nagpuyo sa usa ka apartelle duol sa nahgsa nga building.
Giklaro usab ni Pelayo nga 20 palang ang kasamtangang hap sa mga nangawala ug dili 23 sama sa unang nataho. Matud pa niini, adunay pipila ka indibidwal nga natahong missing apan sa wala magdugay nasuta nga wala sa lugar dihang nahitabo ang insidente samtang ang uban naka-uli na.
