BUTUAN CITY – All systems go na ang panggamhanan sa Agusan del Sur kauban ang Department of Education o DepEd-Caraga alang sa pormal nga pagbukas sa Palarong Pambansa 2026 unyang hapon sa Datu Lipus Makapandong Sports Complex sa Brgy. Patin-ay, lungsod sa Prosperidad.
Pormal nga magtapok ang tanang delegado pasado ala-una sa hapon nga sundan sa air exhibition sa Philippine Air Force pag-abot sa alas-tres sa hapon, ug pagpagawas sa VTR alang sa Palaro Tu AgSur 2026 opening billboard.
Pagka alas-kuwatro sa hapon, magsugod ang pagsulod sa mga delegado ug paghatag og pag-ila sa mga niini, nga sundan usab sa National anthem ug pag-ampo.
Human niini mao ang Caraga ug Agusan marches, sunod ang welcome message ni Governor Santiago Cane Jr. ug ang ceremonial turn over sa mga athlete’s kits ug handing of banners nga pangunahan ni Gov Cane ug DepEd Usec Malcolm Garma kauban ang mga regional directors.
Sundan kini sa multi-media presentation ug cauldron lighting ug ang oath of sportsmanship nga pangunahan ni Olympic gold medalist Hidilyn Diaz.
Sumala ni Governor Santiago “Santi” Cane Jr., nga maghatag usab og message si President Ferdinand Marcos Jr. Humanon ang seremonya pinaagi sa mabulak-lakong opening show nga bidahan sa cheerleaders, hip hop dancers, drum queens, ug mga guest performers. Hisayran nga pila ka adlaw adiser ang opening ceremony nagsugod na ang pipila ka dula sama sa volleyball, basketball, ug uban pa.
