BUTUAN CITY – Gikumpirma sa Islamic Revolutionary Guard Corps (IRGC) sa Iran nga nakig-alayon sila sa pagpalawig sa 26 ka mga barko agi sa Strait of Hormuz sa nakalabay’ng 24-oras samtang nagpadayon ang panagsabot tali sa Washington ug Tehran kalabot sa pagpabalik sa trapiko agi sa pi-ot nga waterway.
Sigon sa IRGC, nakig-alayon sila sa IRGC Navy alang sa pagpa-agi sa maong mga barko sa Strait of Hormuz.
Kagahapon gipublisar sa Persian Gulf Strait Authority (PGSA) sa Iran ang bag-ong mapa sa Hormuz didto sa X, timaan sa usa ka kontroladong maritime zone kondiin ang mga barko, dili maka-agi kung wala ang ilang pagtugot.
Base sa authority, ang zone naglangkob gikan sa Kuh-e Mubarak sa Iran ngadto na sa habagatang parte sa Fujairah, sa United Arab Emirates, sa eastern entrance sa strait, ug gikan sa tumoy’ng bahin sa Qeshm Island ngadto na sa Umm al-Quwain sa western entrance.
Nasayrang kalim-an kon one-fifth sa mga global energy exports ang nag-agi-an sa maong strait adiser ang pagsugod sa paggiyera sa Estados Unidos ug sa Israel ngadto sa Iran niadtong Pebrero 28, nga maoy nag-aghat sa Tehran pagbabag sa nasangpit nga waterway.
